Dúas veces ao ano realízase un mercado, ofrecendo todos os produtos que fomos elaborando ao longo do curso nos diversos obradoiros, de forma que podemos poñelos á venta e darnos a coñecer na sociedade.

Queremos contribuír á visibilización de AFEXDI e a concienciación social respecto a como as persoas con diversidade funcional teñen dereito a participar activamente no ámbito socio-laboral.

Temos moitas ideas para crear e deseñar, é por iso que facemos distintas actividades manuais e creamos artesanías.

A reutilización e restauración de diversos obxectos antigos ou usados son a clave para comezar a crear e darlles unha nova utilidade.

Podedes atopar artigos de coiro, imitacións de xoias, artigos de decoración e un longo etc.

A encadernación é un dos nosos obradoiros laborais máis antigos, trátase dun proceso totalmente artesanal.

Podemos crear de cero cadernos de todo tipo e álbums ao teu gusto.

Ademais, se tes algún coleccionable que queiras encadernar ou algún libro antigo que queiras rexuvenecer podes contar con nós.

Queres un deseño diferente e orixinal?

Traballamos con diferentes técnicas:

1. Vinilo de corte téxtil
2. Transfer téxtil ou vinilo dixital
3. Impresión de tinta en téxtil

Fainos as túas propostas, encántannos os retos.

Creamos produtos téxtiles a través da costura.

Algúns dos nosos produtos son: sacos térmicos, neceseres, bolsas, babeiros, etc.
As agullas non se nos resisten!

Se tes ideas de produtos que te poidan interesar non dubides en contactar con nós.